لعل الجميع يعرف موبايلي كونكت أو الاتصالات كونكت
و ربما البعض من هؤلاء الجميع قد جرب أحدها
اليوم سأحكي لكم تجربتي من جدة مع اتصال الانترنت من خلال الجوال
كنت متردداً كثيراً أي نوع سأختار لتجربته و قد وقع الاختيار أخيراً على باندلوكس
BandLuxe
الأسباب التي جعلتني أختار الباندلوكس هي كالتالي :
أولاً : السعر مناسب نوعاً ما ( 700 ريال ) في مقابل قطع تصل أسعارها إلى قرابة 1000 ريال أحياناً
ثانياً : أنه يدعم جميع الشركات ( موبايلي – الاتصالات – زين ) فأنت غير محتكر لشركة معينة بمبلغ مرتفع
ثالثاً : تجارب الناس معه كانت ممتازة في أغلبها و الثناء كان كبير جداً في مقابل وجود أشخاص كثر يشتكون من الشركتين لسبب أو لآخر
المميزات :
التقاطه للشبكة رائع جداً و في حال ضعفها يمكن رفع المقوي المدمج فيه كما تلاحظونه في الصورة السابقة
برنامجه سهل التعامل جداً جداً وهو باللغة الإنجليزية و التعريف مدمج مع القطعة أي أنك لا تحتاج إلى سي دي أو فلاش ميموري
تستطيع استعماله من خلال اليو اس بي أو من خلال فتحة البي سي ام سي آي أي
كذلك السرعة من البداية 7.2 ميجا
هذه المميزات ذكرها أخي محمد الشتوي سابقاً في أحد مواضيعه المميزة عن الجوالات
طريقة عمل الجهاز : تحتاج عند شرائك لهذه القطعة أن تشترك بأحد الباقات الخاصة بالشركة المناسبة لك
و تضع الشريحة بالداخل ثم سيتعرف الجهاز مباشرة عليها و تبدأ عملية تركيب البرنامج ثم ستظهر لك هذه الواجهة
بالنسبة لشركة الاتصالات بعد الانتهاء من الإعدادات لا تحتاج إلى أي إعدادات لكن موبايلي تحتاج إلى إنشاء Profile جديد
Profile name : Any name
Number : *99#
User Name : Any name
Password : Any password
APN : web1 / web2
إذا كانت الشريحة مفوترة فتختار web1
إذا كانت الشريحة مسبقة الدفع فتختار web2
ثم تجعل هذا الاتصال هو الافتراضي بالضغط على زر Default
بعدها استخدم الانترنت بالهنا و الشفا
^_^
طبعاً بما أننا في رحلة فيوجد أكثر من شخص يحتاج لاستخدام الانترنت لذلك بدأنا مرحلة استخدام نفس الاتصال لجميع الشباب
و قد نجحت الطريقة بإشراف الأخ المبدع محمد الحريقي عن طريق الراوتر الخاص بالأخ أحمد باهيثم
و قد استخدمه في وقت واحد ستة أشخاص و كانت سرعة الداونلوود وصلت إلى 146 كيلو بايت في الثانية
و تتفاوت صعوداً و نزولاً لكنها لم تنزل إلى أقل من 100 كيلو بايت في الثانية
هنا صور توضيحية
بالنسبة للانقطاع عند الاستخدام الشخصي فلم أواجه أي مشاكل انقطاع إلى الآن .. لكن بالنسبة للاستخدام العام لأكثر من شخص فنحن استخدمنا برنامج ( نسخة تجريبية )
لذلك تظهر رسالة خطأ بعد قرابة الساعتين تطلب منك الإغلاق و عند ذلك يغلق الاتصال و تضطر لإعادة التشغيل لكن عند تجاهل الرسالة فسيستمر الاتصال دون انقطاع ..
إلى الآن التجربة رائعة جداً وتستحق ما دفعنا لأجلها .. و أحتاج فترة أطول للحكم الدقيق ..
::: ختام شكر :::
أحب أن أشكر هنا كل من أفادني في هذا الموضوع كتجربة شخصية له
أو نقل لتجارب من يعرفون شخصياً كالأخ محمد الهديب و الأخ محمد الشرقاوي و الأخ رائد الغامدي كذلك جهوده في حلقة و الأخ مصطفى نابلسي و الأخ عبدالإله بن محفوظ
كذلك الأخ محمد فلمبان الدليل السياحي في المنطقة الغربية و أحمد باهيثم صاحب الراوتر الرائع ومنسق رحلة جدة و الأخ محمد الحريقي أستاذ مبدع في الشبكات و الاتصالات الانترنتية
تحياتي للجميع
أخوكم / سفير القلم
الكاتب: سفير القلم
هذه التدوينة أدرجت بتاريخ 4 فبراير 2008 في الساعة 7:33 م ضمن تصنيف المدينة التقنية. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.
وسوم: Connect, internt, mobily, STC, wireless, الاتصالات, الحاسب, انترنت, باندلوكس, تجربة, جدة, جهاز, زين, شباب, شركة, قطعة, كنكت, كونكت, لاسلكي, موبايلي, نادي, وايرلس
يعطيك العافية ..
بس يشبك على الماك؟؟
والاسعار حسب الشركة؟
أهلاً مسفر
من زمان عتك يا رجل ..
بالنسبة للأنظمة الأخرى فهذه القطعة مكتوب عليها أنها تدعم ويندوز .. وقد جربناها على لينكس لكنها لم تعمل .. غداً سأحاول تجربتها مع الأخ محمد فلمبان أحد مستخدمي الماك و أرد عليك ..
بالنسبة للأسعار فهي حسب الشركة ..
أخوك/ سفير القلم
ياخي يا شين اللي ما يتطورون مع العالم .. لازم الناس تلحق الماك ..
يارجال الله يخلي سنولاردو .. ونت الجامعة بس اذا كانوا الطلاب مسافرين ..
بانتظارك ..
مشكور ..
جميل جدا …
تتعب وانت تقول جميل
اللي عجبني أكثر البرامج اللي منزلها …..
اش عنده اللي منزل السب فيرجن والنت بينز ……
خلاص انقلاب على الدوت نت ……
طلو!
باللللللللله
اذا صار وعجبك ابيك تورييينيييي اياااااااه
لأنه اذا زبط … حتكون المنقذ حقي!
ما هي طريقة ربطها مع الرواتر لكي تعمل على أكثر من جهاز ؟
أهلاً كونش
إلى الآن عاجبني .. عطني كذا يوم بس من باب التأكد النهائي ..
و بإذن الله راح أكون المنقذ لك و للعديد من الحبايب
أخوك / سفير القلم
Flash
ممكن تشبكه عادي بالراوتر وتسوي share للاتصال
أو
تشبكه في الفتحة الخاصة حقت الانترنت اللي في الرواتر … وتشبك باقي الاجهزة عادي
أهلاُ فلاش
حالياً أجهز لوضع شرح مفصل و الطرق كثيرة .. أتمنى ألا أتأخر كثيراً ..
شكراً كونش
أخوكم / سفير القلم
جربته وهو رائع فعلاً : )
أشياء جديدة استفدتها عن هذا الجهاز ..
شكراً لك : )
وعليكم السلام ،،،
جهد تشكر عليه ، بوركت وللخير وفقت …
سؤالي :
- القطعه أقدر أشبك عليها أكثر من جهاز ؟
- كيف الطريقة إن كانت إجابة السابق بــ نعم ؟
محمد .. أهلاً بالغالي ..
سعدت بسماع ذلك ..
وشيء طيب أن العوامل المشتركة بيننا في زيادة
أهلاً بك ..
أخوك / سفير القلم
أهلاً بالجميع و أعتذر للتأخر في الرد .. إجابة لتساؤلات وردت ..
نبدأ حبة حبة
أولاً : الأخ غيور
هذه ليست تابعة لأي جهة معينة تستطيع أن تعمل على شريحة موبايلي أو الاتصالات أو زين
أي أنها تقدم الخدمة بغض النظر عن شركة الاتصالات وأنا تنقلت بين موبايلي و الاتصالات كتجربة
وكلو تمام يا افندم
الأخ M.A.S
أتمنى لك تجربة رائعة مع هذا النوع .. مع العلم أنها ليست شركة جديدة .. أنت راح تستخدم شريحة موبايلي أو الاتصالات .. يعني لو كانت المنطقة التي أنت فيها شبكتها ضعيفة فقد تعاني .. لكني لم أواجه الانقطاع الذي يتحدث نه أغلب الناس كمشكلة ظاهرة لموبايلي كونكت ..
التجربة هي الحكم في النهاية ..
ابن الجزيرة .. أهلاً بالغالي .. فعلاً أنا مثلك أستمتع بقراءة التجارب .. و أتمنى أن تفيدنا كذلك من تجاربك فأنت مادة دسمة كما أعرفك ..
الأصيل .. هههههه أهلاً بالمتابع الرائع ..
بالنسبة لتجربتي فهي فترة قصيرة جداً لم أكمل شهر إلى الآن .. و لم أجرب كل جميع المناطق .. لكن الذي أعرفه أنه يعمل على الجيل الثالث و على غيره و لكن السرعة تكون أقل .. هذا ما سمعته و لم أجرب في الحقيقة ..
لو تعرف مكان معين في الدمام قد أستطيع أن أجربه هناك ..
بالنسبة للسعر فالسعر معقول في نظري جداً .. و أنا متأكد لو بحثت سأجد قطع أرخص منها بكثيييييييير .. قرابة 450 أو 500 ريال سواء من خلال النت أو غيره .. السؤال الحقيقي هو لماذا الاحتكار و رفع السعر إلى 1000 ريال ..
أخي البريد ..
أهلاً بك هنا و في مدونتي أيضاً .. تحية خاصة يا صاحبي ..
نعم يمكن العمل على نفس القطعة و قد جربت بنفسي نفس القطعة عملنا عليها ستة أشخاص في نفس الوقت و الاتصال و السرعة جيدة ..
هي أكثر من طريقة .. وتحتاج إلى شرح واضح .. و أنا لازلت أجرب و في صدد نشر موضوع خاص بطرق جعل الكونكت العادي راوتر لأكثر من مستخدم .. فانتظر علي يا غالي ..
أخوكم / سفير القلم
تقرير جميل ،
لقد كنت أبحث عن قطعة كهذه .. منذ مدة،
) في لرياض طبعًا ..
ولما قرأت تقريرك هذا .. أتعقد بأني سأنضم إلى قائمة مشتريها،
(أين أجدها
<< عجاااز .. ما يبغى يدور
أقترح أن تراسل الشركة وتأخذ نسبة (مبيعات) ..
تقرير جميل، ورائع ..
دمت بخير
محمد
محمد ..
يبدو أني محظوظ كثيراً لأرى إخواني يزورون مملكتي ..
طبت و طاب مقامك يا صاحبي خاصة أنك من النوع العجّاز فأتوقع أن تطيل المكوث ..
تسعدني استفادتك من التجربة .. و أتمنى أن تكون شبكة موبايلي قوية حول منزلك .. لكي تستمتع فعلاً ..
بالأمس مثلاً أعطيتها ابن عمي ليجربها في منطقة أخرى غير السابقة .. التصفح بالاكسبلور كان مقبول نوعاً ما لكنه ليس بالسرعة السابقة التي كانت في جدة .. و بالنسبة للداونلوود يتفاوت من 25 إلى 55 كيلو بايت في الثانية .. ( تنزيل متصفح الفايرفوكس لأني أردت تجربة السرعة عبر هذا المتصفح الرائع و الأسرع ) ..
يبقى إلى الآن جداً رائع و بالنسبة لي يستحق ما دفعته ..
لأحصل على النت دائماً خاصة أني كثير التنقل باللابتوب ..
شكراً محمد لهذه الزيارة ..
أخوك / سفير القلم
السلام أخوي سفير القلم …
مع احترامي ..
أنا ما قريت كل اللي كتبته عن جهاز bandlux
لأنه كان طويل جداً .. بس كنت أبي أعلق عالموضوع ..
أنا أملك الجهاز هذا وساكن بالدمام .. ولكن سمعت أن البطء والمشاكل لأن
أي جهاز آخر ما عدا كونكت لا يدعم 3.5 جي وإنما 3 جي فقط
وشركة موبايلي .. إذا واجهت أي مشكله يشترطون أن يكون الجهاز كونكت ليساعدوك في حلها …
زبدة الكلام أني أنا شريت هالجهاز وتوهقت ……ليتني ما شريته
والله انا مستغربه سمعت روايات عن هذابالحقيقة جربت تري جي موبايلي وسوا
واخذته للشركة وكل مرة اغير شريح ويشتغل شوي ويوقف وعليهاوعندما اعمل جهازالكمبيوتر بالزر اليمين واضغط خصائص وكمان يطلعلي اشارة اكس على يو اس بي
الي عنده معلومة يفيدني
هاي
انا اشتريت باندلوكس اللي لونها ابيض من جرير ب 999ريال
توني اشتريتها يوم الثلاثا واللحين ابغى ابيعها
هي السرعه 7.2Mbps
وابغى ابيعها يعني ع السوم
بصراحه مررره سريعه بس بصراحه عشان جوال نت مكلف وبركب دي اس ال اوفر
وشكرا
انا اشتريته من جرير لكنه يعمل نصف ساعة ويوقف ساعة
انا لا اعطيه ولا درجه لماذا تبيعيه سارة اكيد انا وانت نفس المشكله
انا باشتري بس ايش مواصفاته واذا شغال مية مية 100%100
خالد
بصراحه مره سريع ومايفصل ابدا يعني شغال 100%
وقالوا جرير اذا فيه اي مشكله جيبيه عليه ضمان
ستة شهور ومعاي الفاتورة وبكرتونه
انا ببيعه عشان مااحتاجه برا البيت
يعني طول وقتي في البيت
انا سارلي فتره بدور على مثل هاذا الحل لإني احتاج استخدم الانترنت برى البيت كتير..
حبحث عن الموضوع اكثر وانشاء اله استقر عليه..
بس تكيد انه ينفع مع زين.. لاني بحتاجه بس اسافر اكثر من و انا بالبلد..
يعطيك العافيه عالموضوع ..
تحياتي
أخوي عندي كم استفسار رجاء تجاوب عليها
1/ تقطع والا لا ..؟
2/ بجنب بيتنا برج موبايلي جيل ثالث كم تاصل السرعه ..؟
3/ كم سرعه التحميل اذا كنت لحالك ولايستخدمها غيرك وكم سرعة الرفع ..؟
4/ كم الحجم الاجمالي للبيانات في اليوم 1 جيجا , 2 جيجا , .. ؟ <<
والسلام عليكم ورحمة الله وبركاته
مشكوور اسير القلم
بصراحة توني شارية زية لاكن اسود وسرعتة 7.2
ب820
بس ابي اعرف المزيد عنة لان البائع عرفة لي ع المحمول
واتصلت واتصل يمكن سرعتة 360 بس من اول صفحة جوجل مافتحت معي
اش السبب وترى شريحتي مو مشتركة بأي باقة او خدمة للنت
تكفى وضح ابية يمشي بسرعة
واذا كان بالشريحة شحن ب100
تطول وكم تجلس حتى تنتهي
معليش نسيت اسألك
فية زي الأنتل ينرفع
وش فايدتة ومتى استخدمة
واقدر احط شريحة لنا وموبايلي
وش حاط انت شريحة وهل مسبقة الدفع
لاني بصراحة تعبت من سلك التلفون لان اهلي يحتاجونة كثير
وابي اخلص وعندي تدريس معلمات دورة محو امية الحاسب
لان المدرسة مافيها تليفون يدعم النت
ردووووووووووووو علي
السلام عليكم
اخوي سفير القلم سؤال لو سمحت …
آلحين إذا شريت الباندلوكس وش باقي الإجراءات الخاصة بالشريحة ؟
يعني اروح اشتري شريحة من اي محل والا وش الطريقة بالظبط ؟
سامحنا على الدلاخة
صدقت اخي الحبيب
جربت وصلات كثيره ولكن مثل هذه الوصله لم اجد
هي قويه بحيث انها تلتقط اشارة الجيل الثالث بالاماكن التي لاتلتقطها غيرها
تحياتي لك اخي العزيز
حبيت اشكرك على التجربه الرائعه وافاتنا بذالك قريبا تجربتي
يمكن اشريها من الامرات ارخص<<<<<هع
سعيد بزيارتي للمملكتك الرائعه
محبكم: ابر زياد
مشكور عالفايده
بس سؤال .. هل تركب مع نظام الفيستا ؟ وايش افضل c100 او c120??
واماكن بيعه بالدمام والخبر
وربــي ماعندكم الا الدجــه وإْنآ عآرف الجهـآز زين مآزين الجهآز انا شاريه بـ899 ريآل وهو مآيسوى 2ريالين تدرون ليش لان في السعوديه كلها مايشتغل بسرعه 7.2 كذب في كذب انا مجربه في الخبر والدمام والرياض والخفجي وحفر الباطن كلها نفس السرعه يشتغل بسرعة 236.6 هاذي سرعته الحقيقيه والي مومصدق يشتريه ويشوف سرعته وعلى فكره بطيئ جدااا ومايحمل ومايفتح صفحات والمشكـلـه العظمى<..الاي بـي واحد ومايتغير يعني بعطيكم مثال انا جيت مره من المرات ادخل شات الود ماقدرت ادخل لان اي واحد يستدخم bandluxe وينطرد عبر باند من احد المراقبين اي واحد ثاني مايقدر يدخل لان الاي بي واحد مايتغير يعني اذا اي احد في اي موقع عطاك باند تطيح براس الي ماله ذنب والي معه نفس الجهاااز فا ليش المدح الزايد في الجهاااز الي مايسوى 2ريالين..وبنسبـه لي عجبتني مواضيعكم ودمتم بود وحبيت اكتب مشاركتي دون ان اسجل بمنتداكم والسسلاام عليكم ورحمة الله وبركاته …
مشكور اخوي
سفير القلم
طرح جميل وكفيت ووفيت
ما قصرت
سعود الزهراني
احترم نفسك ردك بهطريقة يعكس اخلاقك
وإذا انك تقول ان سعر الجهاز ما يسوى ريالين
أنا بشتريه منك بخمسين ريال
انا من سكان الدمام
هذا اذا انت صادق ميسوى ريالين
لن ترضى لأن قيمته اكثر من كذا
السلام عليكم
حبيت اشارككم الموضوع وابين للي ما عنده خلفيه عن الكونكت واتصال الانتر نت عالي السرعه ثري جي 3G واوضح طرق الاستخدام من البدايه الى طريقه دخول اكثر من شخص بنفس الاتصال
الكونكت عباره عن جهاز تركب فيه شريحه يتصل بشبكه الاتصال وهو انواع في لشركات وفي المحتكر لشركات للأتصالات واسعارهن مختلفه
طريقه تركيب الكونكت سهله مره
*في بعضهن يجي التعريف بنفس القطعه والثاني بقرص سيدي
بعد التعريف راح ينفتح لك برنامج اذا كملت اعدادات الشريحه اتصل
*طريقه اعدادات الشريحه وهي على جميع شركات لاتصالات
1 لازم تكون شريحتك الجيل الثالث
2 اعدادات خدمات ثري جي 3G ولتكمله الاعدادات اتصل على الموضف واطلب منه ارسال لك الاعدادات سوف تصلك برسائل عاديه على نفس جوالك
3 تشترك بأحدى الباقات المتنوعه الانتر نت المقدمه من نفس الشركه وبهذي انت تحدد الباقه على حسب استخدامك للأنتر نت
اذا انتهيت اشبك الشريحه بالكونكت وان شاءالله تشتغل
بالنسبه للي يعانون من الفصل واختفاء الابراج ترجع المشكله لنفس شركه الاتصالات ما دعمت الابرج بالجيل الثالث وعن قريب ان شاءالله راح تدعم الشركات كل منطق المملكه بخدمه الثري جي 3G
اما بالنسبه للي سرعتهم بطيئه تقريباً 3 كيلو بايت بالثانيه ما يشبك على الثري جي 3G لازم يشترك بخدمه الانتر نت من نفس الشركه الي هو خطوه رقم 2
(( نصيحه للي يبي يشتري كونكت يتأكد من الموقع الي دايم يكون فيه متصل بلانتر نت هو مدعوم بالثري جي 3G ولا لا للتأكد عن طريق رسائل الوسائط او اذا كان تعرف احد عنده كونكت وهي افضل بالنسبه للتأكد))
* هذي طريقه لدخول اكثر من شخص من نفس الكونكت
وهي عن طريق الراوتر وليسى المودم
((لراوتر)) < جهاز لبث الانتر نت اما عن طريق الكيبل او الواير لس
الطريقه مشروحه بالصور يجب عليك تحميل ملف الشرح وفك الضغط
http://file9.9q9q.net/Download/34243431/—————————-.rar.html
اطلت عليكم بالشرح لكن اتمنى ان تصل المعلومه كامله
تقبلو تحياتي اخوكم فارس
اخي الفاضل قمت بمسح البرنامج وحاولت ان اعيد تسجيله وتشغيله ولكنه لم يستجيب والان لايعمل لدي
وش جاب لكم الأخ الشايب محمد الهديب ؟
إلى الحين ماتخرج هو ؟
الناس كلها تخرجت.. وش صار عليه ياسفير طمنا عليه…
تحياتي لك…
مرهف الحس
إلى الأخت خايفهـ من الله…تحيه طيبه
عن تجربه.. جربت شريحة موبايلي… والباقه اللامحدوده… او الأنلميتيد
في نظري الشخصي أفضل من الجوال وأرخص في نفس الوقت.
الرسم الشهري للباقه اللامحدوده 350ريال … لك إشتراك مفتوح طول
الشهر.. إذا بغيتي اقل… في 250 ريال على ما اعتقد ولك 5 قيقا
تستخدميها طول الشهر إذا انتهت خلاص تدفعي 250 ريال
مقابل 5 قيقا اخرى… وفي 100 ريال … مقابل 1 قيقا في
الشهر , نفس السالفه.. إذا خلص الواحد قيقا تدفعي 100 ريال
اخرى لواحد قيقا جديد.
شريحتي بالمناسبه شحن وما استخدمها إلا في الكونكت.. وكل شهر اشحنها
350 ريال …
امممم بالنسبه للأنتل او الهوائي اللي في القطعه… وظيفته تحسين جودة
الإلتقاط للإشاره..
وش بعد.. بالنسبه لبطئ النت عندك.. فأعتقدوالله اعلم ان الشبكه حقت
الابراج عندك مافيها تغطيه للجيل الثالث… تقدر تتأكدي انك تتصلي على خدمة
العملاء وتسألي عن المنطقه اللي انتي فيها.
من واقع تجربتي للكونكت… خدمه جميله.. ومفيده بصراحه خصوصا للأشخاص
اللي يتنقلون من مكان لآخر… عيبها الوحيد… إذا جا تحديثات لشبكة المشغل
وقتها يوقف النت وتتعطل عن الخدمه يوم او يومين .. واوقات تاخذ 3 ايام.
ارجوا اني افتدك.
EX
صادق اخوي EX
سعر المفتوح 350
سعر خمسه قيقا 200
سعر واحد قيقا 100
بالنسبه لشركه موبايلي
وانا افضل موبايلي لسرعه اتصالها واقل سعر من الشركات الثانيه
اذا انتهاء رصيدك او كملت شهر من اشتراكك بأحد الباقات راح ينقطع الاتصال
((ملاحظة مهمه))
لازم علينا الاشتراك بأحد الباقات الي تقدمهن شركات الاتصال ولا ما رح نحصل على سرعه عاليه ثري جي 3G وبالتأكيد راح نخسر رصيد اكثر بكثير عند عدم اشتراكنا بأحد الباقات
اذا لم نشترك بالباقات نخسر مبالغ اكثر ويعطينا سرعه ابطئ
ولا اوصيكم بالراوتر للي يدخلون اكثر من شخص بأتصال واحد
والي حاب يسأل لا يتردد وان شاءالله اكون قدمت الفايده
تمنياتي لكم بالتوفيق
يا أخوان ايش أفضل c100 أو c120 وايش الفـرق
وفـيـن ألاقيه يـبـاع بالـنـسبــه لجــده / والـله حبـيتـه
ههههههه والله انكم ضحكتوني من جد وخاصه الزهراني ..
يالزهـراني [ انت ما فهمت الكونكت صح والكلام اللي قلته غلط بغلط يا حبيبي انت روح على الراديو اللي موجود بالكونكت وبيطلع لك خيارين فوق وتحت .. للي فوق الشبكه حط 3 او اللي فوقها 3.5 وتشتغل لك وسرعتها 7.2 وانا شغاله معي زي الحلاااااااااوهـ يا قميل .. ] ..
المهم الكونكـت جمممممممميله جدا ً وفكت ازمتي الـ نتيـ ( ـه ) .. بالدوام والبيت لاني ساكن في حي ما فيه كيابل هاتف وتوه جديد ..
المهم مالكم بالطويله اي خدمه او استفسأر انا حاضر وهذا ايميلي ..
falmalki_1@hotmail.com
من بعد اذن اداره الموقع بس لمساعده الاخوان لوجه الله والله ششششاهد علي .. لاني تعرضت لنفس الموقف اللي تتعرضون له الحين وصارت عندي خبره كبيرررره بهالكونكت لدرجه ان بمقدرتي اصنع كونكت بمفردي < مجرد صيغه مبالغه لا تصدقون اني اقدر اصنع .
بانتظــاركم يا حلوين ..
السلام عليكم …
ما قصرت اخوي … وزين اني أقدر اسأل بدون تسجيل ولا شيء …
المهم أخوي … أنا عندي كونكت موبايلي .. وودي براوتر … عني لو شريت راوتر باندلوكس … أدفع بس 500 ريال أقصى شيء ؟؟
ولا لازم أشتري الكونكت تبع الباندلوكس علشان أقدر أشغل الراوتر تبعه
والله بصراحة مش فاهم طريقة التشغيل بشكل كامل …
الخلاصة .. / انا عندي كونكت موبايلي وأبغى أشتري راوتر علشان أقدر أشبك على أكثر من واحد … وش أحتاج ؟؟ وكيف .. وبكم ؟؟
هلا وغلا اخوي وليد
استخدمت الطريقه هذي اول ما طلع الكونكت سرعه 7.2 ميقا وعلشان الواير لس
الطريقه بأختصار تشبك الكونكت بالجهاز وتطلع كيبل من الجهاز تشبكه بالراوتر
بس لازم تكمل اعداداته من نفس الجهاز تحصل الشرح بتعليقي رقم 34 برابط مشروح بالصور
انا استخدم راوتر اسمه SURECOM
سعره يتراوح مابين 160 الى 180 ريال سعودي
واذا احتجتم اي شي اكتبو الي تبغونه راح تجيني رساله وان شاءالله اقدر اساعدكم وارد عليكم
ارجو مساعدتي يا اخوان انا اشتريته بس وقت ما اضغط على كونيكت يطلعلي الكلمه هذي Error Code : 619 ?
الي عنده فكره يعلمني وهذا ايميلي ضروري stingeer@hotmail.com
الحمدللة علي التطور
يااخوان الي يعرف كيف اعدادات شريحة زين يعلمني مشكورا
عندي باندلوكس سي 120 وبعض المرات مايفتح محرك البحث ولا لايميل
هل زين عندها باقات نت وكم سعرهن / مشكورين
السلام عليكم ورحمه الله وبركاته
عند قطعة كونكت الخاصة با موبايلي وابغاء اشغلها على الاتصالات
السعودية وكما تعرفون ان القطعة غالية ومابي افرط فيها ولو بعتها ما جابت قيمتها ولا
حتى ربع قيمتها قالو لي ان فيه برنامج او طريقة تعملها وتشتغل على الاتصالات
السعودية يا ليت لو احد منك يساعدني في ايجادة
ارجو المساعدة ولكم الاجر والثواب
اخوكم ابو غازي
هلا وغلا اخوي ابو غازي
بحثت لك عن البرنامج الي تبيه حتى بموقع هواوي الشركه المصنعه بس ما حصلت البرنامج الي تبيه بالضبط حصلت طرق وبرامج ثانيه لكن تشتغل عند ناس وناس لا يعني معقده شوي ولا حبيت اتعبك اخوي فيه طريقه يمكن تزبط بدال دوخه الراس اذا تعرف واحد عنده كونكت الجوال تأخذ التعريفات تبع كونكت الاتصالات وتحطهن بجهازك وتركب كونكت موبايلي وتفتح برنامج الاتصالات وتتصل
انا مستغرب منك ليش تبي تشترك بالاتصالات ومبايلي افضل منه بألف مره
عندي كونكت الاتصالات السعوديه E220 السرعه 7.2 ميقا شريته اول ما نزل بــ 999 ريال ولا استعملته كثير موجود عندي كل اغراضه مثل ما قلت انت لو ابي ابيعه ما يجيب سعر
بعد أذن أداره المنتدى هذا إيميلي اذا تبي ملف تعريف كونكت الاتصالات السعوديه
wwfffww@hotmail.com
اعتذر من الاداره بس المقصد التواصل
تمنياتي للجميع بالتوفيق
اخواني لو سمحتوا
اريد المشورة والراي السديد في حاله اذا كنت متواجده في منطقه نائيه لايوجد فيها 3.5G , والنت عندي اشتراك بـDSLشامل ودايم يقطع الاتصال بالنت واعمالي كلها النت … وش اسوي لتلافي الانقطاعات المستمره في الانصال بالنت ؟؟؟؟؟؟؟؟؟؟
هل اجرب الباندلوكس مع شركة الاتصالات ام موبايلي(بالرغم من عدم توفر خدمة الجيل الثالث ) ام تنصحوني بشيء ثاني ام ماااااااااااااااااااذا ؟؟؟؟؟؟؟
افيدوني ولكم خالص الدعوات ..وفقكم الله
اهلين اختي بنت ابوها
اذا ما عندك خدمه الثري جي 3G ما انصحك تشترين اي نوع من انواع الكونكت لأنه راح يشبك على الشبكه الاوله وهي بطيئه مرررره
الكونكت ميزته السرعه بالاتصال عن طريق الثري جي 3G
اما الاتصالات الثانيه ما جربتهن
اتمنى من اخواني الي عنده خبره يفيدك
تمنياتي لكم بالتوفيق
شكراً اخوي فارس
الله يجزاك الجنه
طيب وش تنصحني فيه , اريد اتصال بالنت مايقطع ابد لان اعمالي كلها تترتب على النت
, جربت موبايلي بدون كونكت بالرغم من عدم وجود خدمه 3G لقيتها بطييييييييئه واحيانا يكون فشل في الشبكه
والحين الـDSL وايضاً مشاكل مع افاق شامل غالبا يقطع الاتصال بالنت
ونصحوني بالباندلوكس وانا بصراحه ماعندي علم عنه الا من تقريرك اعلاه ..
ياليت تدلني على راي يخدمني ..
وفقك الله ونفع بك..
هلا اختي
وياك يارب والمسلمين
اذا كنتي تشبكين من جهاز الجوال ما تجيك خدمه الثري جي
تقدرين تتأكدين من موقعك اذا ترسلين وتستقبلين رسائل وسائط فأن الموقع فيه خدمه ثري جي
فيه طريقه اتصال بس اول ما اتأكد من الطريقه ارد لك خبر ان شاءالله
تحياتي لك
الاخ فارس ………… بعد التحيه
انا لما اوصل الكيبل من اللاب توب الى جهاز الجوال يطلع لي في الجوال رمز E بدل 3G ولما سألت اهل المنطقه قالوا لي المنطقه مافيها خدمة الجيل الثالث !!
انتظر ردك بشغف عن طريقة الاتصال التي ربما تفيدني في عاجل أمري ولك مني صادق الدعوات ..
اهلين بنت ابوها
ماعليش على التأخير ماحصل لي وقت ادخل النت
بالنسبه للأتصال فيه واحد من اصدقائي يشبك بمودم افاق وعلى الشبكه الاوله ولا يعاني ضعف ولا انقطاع بالاتصال وهو نفس اتصالك
ما ادري اذا جربتي تغيرين البروكسي يمكن يفيدك شوي
اما الاتصال الثاني فيه عن طريق الاقمار زي اوربت وغيره بس غالي شوي
هذا الي قدرت افيدك فيه
اكرر اعتذاري
تحياتي لك اخوك فارس
مرحبا شكرا لكل من فادنا بخصوص الاتصال عن طريق الكونكت
وسؤالي هنا
انا عندي باندلوكس سي 120 وشابكه على موبايلي والشريحه والبرج الي عندنا جيل ثالث
واذا سويت اتصال يطلع تحت بشريط المهام دائره حمرا مكتةب عليها 3G واون اللمبه الي على الكونكت ازرق موف تقريبا
والسرعه عندي بطيئه نوعا ما يطلع لي 200 وشي عليها
ابسال الخ الي يقول علشان السرعه تكون 7,2 عن طريق تغيير اعدادات في الراديو يعلمني الطريقه اوضح
والاحظ اني اذا شبكت الكونكت بجهازي الي فيه وندوز اكس بس مايفصل واذا شبكته بجهازي الثاني الي نظام الوندوز فيه فيستا يفصل ويقول الاتصال محلي فقط
وش حل المشاكل عندي ارجو الرد من ذوي الخبره
وهل تنصحوني اشبك بشرسحه سوا افضل انا ابي شي سريع ومايفصل
وشكراااااااااااااااااااااااااا
اختكم سومااا
إلــــــــــــــى (فارس)
باين عندك خبره فحبيت استفسر اذا مافيه كلافه
احترت اي جهاز اشتري من الباند لوكس
الجهاز الابيض اللي تكلم عنه اسير القلم او
الباندلوكس اللي لونه اسود؟
–ايهم احسن c120-c100 ؟
-الرواتر مدعوم بالجهازين السابقين او اشتريه بلحاله؟وكيف استخدمة؟
اهلين سوما
اذا متأكد من الابراج تدعمهن ثري جي
1-تأكد من اشتراكك بأحد الباقات المقدمه من الشركه
2- اعدادات ملف التعريف
اضغظ القائمه ملف التعريف على شكل مفتاحين
حدد شبكه موبايلي واضغظ تعديل وتأكد من الرقم #99*
والAPN تأكد من وجود احد الخيارين
Web2 لشريحه مسبقه الدفع
Web1 لشريحه فاتوره عام
اضغط على خيار الحصول على أحدث قاعدة بيانات APN
وبعده ارجع حدد شبكه موبايلي وخليه افتراضي
ان شاءالله تشتغل معك
ملاحظه : برنامج الاتصال يدعم اللاغه العربيه
هلا وغلا اختي الحيرانة
ما جربت الجهاز الابيض بس ما اعتقد فيه فرق بالاتصال اذا كانو نفس السرعه 7.2 ميقا وكلهم على شبكه الاتصال 3G
اتوقع الفرق بطريقه تركيب القطعه بجهاز الكمبيوتر الاسود اجباري باليو اس بي اما الابيض فيه طريقتين الاوله للاب توب وتكون ثلاث ارباع القطعه تقريباً بوسط الجهاز اما الثانيه تركبين له غطاء وتصير عن طريق اليو اس بي
اذا كان موقعك ثابت تأكدي اول من ابراج شركات الاتصال تدعمهن بالثري جي ولا لا
بالنسبه للراوتر على جهاز الكمبيوتر توصلين له كيبل من الجهاز المتصل بالنت مايهم اختلاف انواع الكونكت
ويفضل جهاز مكتبي دسك توب علشان يكون موقعه ثابت
تحياتي لكم
فارس
عن جد محتاجة احد يساعدني
بس ماراح احدد احد هاذي المره
وياليت يكون له خبرة
س/ايهم افضل الباند لوكس اللي طرحه الاخ سفير القلم او الباندلوكس اللي لونة اسود
س/ايهم افضل c100-c120؟
س/الراوتر مدعوم بالجهازين؟؟؟والا يكفي الوايرلس اللي موجود بالكمبيوتر؟
جاوبوا علي الله يخليكم ولاتسوولي طاااااااااااااف………
ناويه اشتريه الاسبوع الجاي………..بسررررررررررررعه وماعليكم امر……….
شكرا للاخ فارس
طيب سؤال ثاني لاحظت ان الاتصال يفصل ويطلع لي الاتصال محلي فقط بعد ماكان محلي وانترنت
عندي فيستا التميت وتصير العلامه تحت بشريط المهام شاشتين بدون الكره الارضيه
واذا اتصل وقالي اتصال محلي وانترنت تظهر الكره
وبن المشكله هناااا
ارجوالرد وشكرااااااااااااااااا
اهلين
الراوتر الي تكلمت عنه بالتعليقات السابقه على جهاز ويندوز اكس بي ماله دخل الكونكت
اتمنى يساعدونك الاخوان واذا ما حصلتي احد اسألي اصحاب المحلات عن انواعهن واسعارهن يمكن نازله اجهزه افضل واحدث تمنياتي لك بالتوفيق
اخوي العزيز سوما
عندي بالاكس بي لازم تضهر شاشه الاتصال من ويندوز وبرنامج الباندلوكس الدائري
واذا فصل تبقى الدائره والاتصال مفصول تأكد من برنامج الباندلوكس سوله حذف وركبه من جديد
تحياتي لك
يااخوة السلام عليكم ورحمة الله وبركاتة
اريد استفسر عن شريحة زين هل تنفع مع البندلكس وهل هي افضل من موبايلي و الاتصالات ولكم مني خالص الشكر والتقدير
السلام عليكم
لو سمحت انا اشبك من موبايلي
واذا شبكت بــــ 100 ريال ساعه او ساعيتن وينقطع بس
واشتركت في احد الباقات بس بدون فائده ساعتين وينقطع
شالحل تكفى ؟؟
نور لازم تتأكدي من تفعيل باقة 1جيجا و ذلك بوصول رساله لك تفيد بانه تم تفعيل الباقه
و بعدين 1جيجا ماتتحمل تحميل فيديو و العاب حدها تصفح منتديات و شات فقط
بااخوان احد جرب افاق وايرلس يعمل متنقل ديسل
ويشتغل ع الجيل الثاني والثالث
انا عندي الباند لوكس امكن من شهرين وكنت استخدمو تمام بس سار يطلعلي error code 619 !!!!!!!!!!!!!
ممكن احد يفيدني
بلييز
السلام عليكم
If you get Error code 619 you most probably need to renew your subscription .. I suggest that you call Mobily operators and ask them about your subscription .. OR try *1422# then press CALL button and you will get the full information about your subscription ..
Good Luck ALL
السلام عليكم
اخي الفاااضل
هل يمكن ان يتم تحويل الراوتر الباندلكس الى راوتر عاادي حق اشتراك دي اس ال
ممكن الطريقه
اخوووووووكم
اهلين اخوي
الراوتر العادي ياخذ اتصال انترنت ويعمل عمليه توزيع النت
المودم ياخذ اتصال غير ويعمل له تحويل ويخليه انترنت
لذلك مارح تركب الطريقه الي طرحته بسبب الاختلاف بين الراوتر والمودم
تقبلوا تحياتي
Sallam
thx for all threads been written
I have bandluxe STC sim card. I treid to connect to the internet but i couldn’t
OS: Mac, 10.5
btw, i insatled Bandluxe driver for mac .still no connection
could u plz help me
arh44@hotmail.com
thx
السلام عليكم اخواني وكل عام وانتم بخير انا عندي الجهاز بس فاقد السيدي التعريف وسويت فورمات وماحصلة CD وش الحل والله يخليكم لا تبخلو عبى بالفايده
انا عندي باندلوكس الآسود
بشريحه موبايله
بس يطلع لي الخطا 619
طفشني وش الحل
!
بسرعه ربي يخليكم
انا عندي مشكلة في رواتر الباندلوكس R00 كان شغال مضبوط ومسية بالمية بس الآن مايرضى يتصل بالتت ويقول انه security تبع الراوتر ماهي نفسها المختارة رغم اني ماغيرت اي شىء
ارجوا من احد الاخوة المساعدة عاجلا وشكرا
يا شباب سمعت بمعرض جايتكس دبي عن وجود شركة افضل من هذه الانواع اسمها Younivate و تصنع اجهزة ذات قدرة و اداء افضل و الله اعلم على كل حال انا اخذت البروشورات الخاصة فيهم و الموقع هو http://www.younivate.com و انشالله يوصل السعودية قريبا
ياليت تساعدوني انا اتصالي باندلوكسس والشريحه موبايلي لكن احيانا مايتصل يطلع لي((ينصح بالنقر المزدوج فوق اعداد ملف التعريف))وكل مااضغط يطلع تعذر وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم
اخواني ابي مساعدتكم الله يجزاكم خير..
انا عندي كونكت باند لوكس الاسود وشريحتي سوا ابي اعرف كيف اشترك بالباقات ووش افضلها وكيف طريقة الاتصال بال3G …ياليت تعلموني الخطوات بالتفصيل من الاف الي الياء حتى استعمل الكونكت اللي عندي من غير مشاكل وخساير ..
ياليت تفيدوني في اقرب وقت …ولكم مني اصدق الدعاء ..
السلام عليكم
انا عندي جهاز الباندلوكس شريحه موبايلي وكان شغال تمممام وممتاز جدا
بس المشكله لما غيرت للفيستا صار مايشتغل ويظهرلي ينصح بالنقر المزدوج فوق اعداد ملف التعريف))واخذته لمحل وضبط الاعدادات ونفس الشي ماشتغل؟؟؟؟؟؟؟؟
وش الحل ارجووووووكم
ممكن استفسار
يـ عيآل آولن من قآل لكم آن آلسرعه قليلة ؟
ومن قآل لكم آن آلسرعة توصل . 7.2
آولن آنآ عندب بآند لوكس وكلمآ آتصلت تجيني آلسسرعه 7.2
يعني عآديه مآ فبهآ شي لكن آلمشكلة آنه يقطع عنــدي
عشآن كذ1 آنآ بـ آقول لكم كم شرح يمكن آحد شرحه من قبل
لكن بس حب للآستفآدة للجميــع
آولن
آنـآ بـ آتلكم عن آلبآندلوكس آلأسود لآنه هو آللي عنــدي ولآ آعرف وش مديله بس يـ لله خخخخخخخخ
آلموهم
آول مآ تركب آلبآند لوكس رآح يجيك تعريف حقه تلقآئي يعني مآ يحتآج تقلق رآسك لكن آلمشكلة رآح تضيع عليـك آلأآعدآدآت عشآن كذ1 بـ آشرح لكم طريقة الاعدادت اولن تطلع لك الشاشة للبآندلوكس . بعدهآ على كلمة ][ MENU][
وبعدهآ آضغط على ملف تعريف للـ إعدآد ][ SETTING ][ عشآن نضبط آللغة وبعدهآ ][ GENERAL ][ آو عآم وعدل آللغة وبيكون نختآر آللغة وبـ آلنسبة للي يطلع لهم لون آلبآندلوكس آو آلأآتصآل آلموجود بجوآل آلسآعة آحمر وهذولآ رآح تكون آلسرعه عندهم بطيئــه وآلأآعدآد فيهآ سهله عشآن تغيرهآ وتخليهآ آسسرع ولكن بششرط يوجد بـ آلموقع عندك آلجيل آلثآلث
آولن ندخل على كلمـة ][MENU ][ وبعدهآ آعدآدآت آو ][ SETTING ][ وبعدهآ تجيك فوق مجموعة خيآرآت من ضمنهآ رآديو آو ][ RADIO ][ بعدهآ تجيك ثلآث خيـآرآت آلأآولى طبعآ يكون للجيل آلثآلث . آلثآني يكون آلجيل آلثآلث وآخف منه . آلثآلث يكون مآ تحت آلجيل آلثآلث وهو آبطى شي لكن يستخدم بـ آلأآمآكن آللتي لآ يوجد فيهآ آلجيل آلثآلث . وبعدهآ سو تطبيق ويكون ضبطت آلسرعه .
بـ آلنسبة للي يجيــهم آغلبهم مشكلة بـ آلأآتصـآل آو يكون آحيآنآ رقم آلمشكلة 619 فـ آغلب آلأآوقآت يـ آمآ يكون آشترآتك خلص آو . يكون آلأآعدآدآت عندك غلط
كيفيه تعديل آلأآعدآدآت :
آدخل آولن على كلمـه ][ MENU ][ وبعدهآ آدخل ملف آلتعريف آو ][ PROFILE ][ وبعدهآ تنفتح لك آلشبكآت آللي تقوم آلأآتصآل بهآ وطريقه آلتعديــل عليهآ هي آن تضغط على آي شبكة موجوده عنـدك وآعنقد بعضكم يقدر يضيف عآدي وآلبعض مآ يكون عنده آلأآ وآحد بس
وطريقة آلتعديـل عليهآ
حدد على آسم آلشبكة وهي آغلب آلأآوقآت تكون ][ MOBILY ][ (زي آللي عندي ترى ) وبعدهآ آضغط على تعديل ][ EDIT ][ طبعآ آللي يهمنآ بس 3 خـآنآت فقط
1) آسم ملف آلتعريف ][ PROFILE NAME ][ : ويكون هذآ آسم من تحديدك لكي تنشي آلشبـكة .
2)آلرقم ][ NUMBER ][ ويكون هذآ مهم جدآ . ~ لآصحآب موبآيلي هذ1 آلرقم آللي تحطه فيه ][ *99# ][ طبعآ من آليمين للـ يسآر . ][ نجمة تسعه تسعه مربع ][
3)APN : ويكون هذ1 عند آلثبيت لأآجهزتهم آلجديدة.,~ يعني بـ معنى آصح يستخدمة اذ1 كآن آشتغل علي جهآز لأآول مره فقــط لآصحآب موبآيلي ][ WEB1 ][
عشآن كذ1 اذ1 مآ عآد آشتغل له فيغيره آلى WEB2 فقط ( للمعلومية لآ يوجد هنـآ WEB3 , فقط WEB2 و WEB1 )
وبعدهآ آضغط على حفظ آو ][ SAVE ][ وبعدهآ يحدد على آلآسم آلذي آضآفه . ثـم بعدهآ يضغط على آفترآضي لكي يتم تعيين آتصآلك آفترآضي آو ][ DEFAULT ][ وبعدهآ آتصآل .~
وآتمنى آني آكوون وفقـت بـ آلششرررح .
وآلسسلآم عليـكم ورحمة آلله وبركآته ~ تكفيني دعوآتكم ..
شكرا للمووضوع والاضافات
لكن الان طلعلي رساله تقول :
عزيزى العميل, الرجاء إعادة شحن البطاقة خلال 3 أيام للحفاظ على إستمرار خدمة null.
ومو عارفه كيف اعيد الشحن ؟؟
علمووني بليييز
راح يووم باقي يومين
كيف اشحنها ومن وين ؟؟
دمتم بخير
بيض الله وجهك شرحك وافي بس ليش يجعلونها شهر ربما ماتسمح الضروف لاستخدامها مالحل
you’ve an important weblog right here! would you wish to make some invite posts on my weblog?
السلام عليكم
مسآء الخير
كيفكم ؟!
بليز الله يسعدكم ساعدوني وربي محتاجه الكنكت ضروري
انا نظام جهازي وندوز7 من سنة وزيادة تقريبا كانت الكنكت تشتغل ع جهازي وانقطعت عنها طوال الفترة الماضية لأن توفر عندي دي اس ال والحين احتجتها وشحنتها لكن تفاجئت انها ماتتصل ع جهازي نفس قبل مع العلم انها مثبته وكل حاجه ولما شبكتها ع جهاز اختي ونظامخا وندوز اكس بي اتصلت وجهاز ثاني كمان نظامه فيستا واتصلت ابغى حل عشان تتصل ع جهازي
تكفووون اللي عنده حل يفيدني وبكون شاكرة لكم
السلام عليكم
طاب يومكم
بالنسبة لي شريت الجهاز موديل بي ار 30 من جرير ب 550 وجاء معاه شريحة موبايلي 5 قيقا..سووا لها تفعيل بنفس المحل
انا ساكن مؤقتا في خليج الدانه في اخر الهاف موون وخبركم المنقطه هذيك شبه معزولة وبالبداية ما اشتغل معي الجهاز ولما رحت لجرير اشتغل عندهم زي الحلاوة .. عرفت ان السبب ضعف الارسال فاشتريت من عندهم انتل خارجي ب 99 ريال وبصراحة اشتغل عليه بشكل رائع.. لكن المشكلة احيانا ينقطع الارسال واعتقد انه بسبب انه يحتمي لما تنزل ملفات كبيرة او لما تطول وانت تتصفح
عموما جاري البحث عن حل لهذه المشلكة
على فكرة شريت شريحة الاتصالات ولكنها لا تعمل هناك
اذا فيه احد يعرف حل للمشكلة يعلمنا ..اعتقد ممكن السوفتوير حق الجهاز يحتاج تحديث
اتمنى اني افدتكم..واللي يحتاج مساعدة يراسلني faisalnsw@yahoo.com
تحياتي
ابو خالد
أضف تعليقاً